https://arm.sputniknews.ru/20240423/tavushic-voch-voq-vochinch-chi-talis-khandanjany-katarvvogh-gvortsyntaci-masin-74898190.html
Տավուշից ոչ ոք ոչինչ չի տալիս. Խանդանյանը՝ կատարվող գործընթացի մասին
Տավուշից ոչ ոք ոչինչ չի տալիս. Խանդանյանը՝ կատարվող գործընթացի մասին
Sputnik Արմենիա
Իշխանական պատգամավորի խոսքով՝ այս պահին ընթանում է երկու կողմերից համաձայնեցված սահմանազատման գործընթաց։ 23.04.2024, Sputnik Արմենիա
2024-04-23T18:11+0400
2024-04-23T18:11+0400
2024-04-23T18:26+0400
տավուշ
սարգիս խանդանյան
դելիմիտացիա
սահման
https://cdn.am.sputniknews.ru/img/1760/41/17604127_0:78:1500:922_1920x0_80_0_0_3a1561713671528008fd5c139c1e3166.jpg
ԵՐԵՎԱՆ, 23 ապրիլի – Sputnik. 2021 թվականին Հայաստանում խաղաղության օրակարգով իշխանության եկած կառավարությունն ունի լիազորություն ջանքեր գործադրել խաղաղության հասնելու համար։ Այսօր ԱԺ-ում լրագրողների հետ զրույցում այս մասին ասաց ՀՀ ԱԺ արտաքին հարաբերությունների հանձնաժողովի նախագահ, «Քաղաքացիական պայմանագիր» խմբակցության անդամ Սարգիս Խանդանյանը։ Լրագրողները նրան հիշեցրել էին ՀՀ վարչապետ Նիկոլ Փաշինյանի խոսքերը, որ մեր երկրում 3 միլիոն վարչապետ կա, և հավելել, որ Տավուշում առնվազն մի քանի հարյուր վարչապետ այսօր դեմ է իրականացվող գործընթացին։Ըստ ՔՊ-ական պատգամավորի՝ բանակցությունների արդյունքում վերջապես իրենց հաջողվել է հասնել նրան, որ Ալմա Աթայի հռչակագիրն ընդունվի որպես քաղաքական հիմք սահմանազատման համար։«Սա շատ կարևոր ազդակ է, որ գործընթացը, ընդհանուր առմամբ, պետք է շարունակվի հենց այս տրամաբանությամբ, և սա է մեզ համար ընդունելի տարբերակը»։Նրա խոսքով՝ այս փուլից հետո պետք է համաձայնեցվի սահմանազատման հանձնաժողովների աշխատակարգը։«Այն տարածքը, որը պատկանում է Հայաստանի Հանրապետությանը, այդտեղով պետք է արվի սահմանագծումն այնպես, որ այդ տարածքները մնան ՀՀ տիրապետության տակ»,- նշեց պատգամավորը։Նա հավելեց, որ այս պահին ընթանում է երկու կողմերից համաձայնեցված սահմանազատման գործընթաց։Խանդանյանի խոսքով՝ երբ սահմանազատման գործընթացն ավարտվի և կողմերի միջև կնքվի համապատասխան պայմանագիր, այն կներկայացվի երկու երկրների խորհրդարանների վավերացմանը։Հիշեցնենք` Հայաստանի և Ադրբեջանի սահմանազատման հարցերով հանձնաժողովներն ապրիլի 19-ին պայմանավորվել են սահմանազատումը սկսել Տավուշի մարզից։ Սահմանագծի տվյալ հատվածների նկարագրությունը կազմվելու է` հաշվի առնելով տեղանքում գեոդեզիական չափումների արդյունքում կատարված կոորդինատների հստակեցումը, որը պետք է ավարտվի մինչև 2024 թ. մայիսի 15-ը:ՀՀ վարչապետի աշխատակազմը հայտարարել է, որ Ադրբեջանն այս ամենի արդյունքում 2.5 գյուղ է ստանում, իսկ Հայաստանի Հանրապետությունը` անվտանգային ռիսկերի նվազեցում։ Կիրանց գյուղի հատվածում ճանապարհի մի քանի հարյուր մետրանոց հատվածի փոփոխություն կարվի, իսկ Ոսկեպարը ճանապարհի խնդիր չի ունենա։ Սահմանազատումից հետո չորս գյուղերի հատվածում զինված ուժերը հետ կքաշվեն և իրենց տեղը կզիջեն սահմանապահ զորքերին:Տավուշի սահմանամերձ գյուղերի բնակիչներն ապրիլի 19-ից բողոքի ակցիաներ են անում Հայաստան-Վրաստան միջպետական ճանապարհին: Նրանք դեմ են սահմանազատման այն տարբերակին, որը համաձայնեցրել են Երևանն ու Բաքուն։
Sputnik Արմենիա
media@sputniknews.com
+74956456601
MIA „Rosiya Segodnya“
2024
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
տավուշ, սարգիս խանդանյան, դելիմիտացիա, սահման
տավուշ, սարգիս խանդանյան, դելիմիտացիա, սահման
Տավուշից ոչ ոք ոչինչ չի տալիս. Խանդանյանը՝ կատարվող գործընթացի մասին
18:11 23.04.2024 (Թարմացված է: 18:26 23.04.2024) Իշխանական պատգամավորի խոսքով՝ այս պահին ընթանում է երկու կողմերից համաձայնեցված սահմանազատման գործընթաց։
ԵՐԵՎԱՆ, 23 ապրիլի – Sputnik. 2021 թվականին Հայաստանում խաղաղության օրակարգով իշխանության եկած կառավարությունն ունի լիազորություն ջանքեր գործադրել խաղաղության հասնելու համար։ Այսօր ԱԺ-ում լրագրողների հետ զրույցում այս մասին ասաց ՀՀ ԱԺ արտաքին հարաբերությունների հանձնաժողովի նախագահ, «Քաղաքացիական պայմանագիր» խմբակցության անդամ Սարգիս Խանդանյանը։ Լրագրողները նրան հիշեցրել էին ՀՀ վարչապետ Նիկոլ Փաշինյանի խոսքերը, որ մեր երկրում 3 միլիոն վարչապետ կա, և հավելել, որ Տավուշում առնվազն մի քանի հարյուր վարչապետ այսօր դեմ է իրականացվող գործընթացին։
«Ես էլ ձեռքերս կկտրեմ ու Տավուշից ոչինչ չեմ տա, Տավուշից ոչ ոք ոչինչ չի տալիս»,- ասաց Խանդանյանը։
Ըստ ՔՊ-ական պատգամավորի՝ բանակցությունների արդյունքում վերջապես իրենց հաջողվել է հասնել նրան, որ Ալմա Աթայի հռչակագիրն ընդունվի որպես քաղաքական հիմք սահմանազատման համար։
«Սա շատ կարևոր ազդակ է, որ գործընթացը, ընդհանուր առմամբ, պետք է շարունակվի հենց այս տրամաբանությամբ, և սա է մեզ համար ընդունելի տարբերակը»։
Նրա խոսքով՝ այս փուլից հետո պետք է համաձայնեցվի սահմանազատման հանձնաժողովների աշխատակարգը։
«Այն տարածքը, որը պատկանում է Հայաստանի Հանրապետությանը, այդտեղով պետք է արվի սահմանագծումն այնպես, որ այդ տարածքները մնան ՀՀ տիրապետության տակ»,- նշեց պատգամավորը։
Նա հավելեց, որ այս պահին ընթանում է երկու կողմերից համաձայնեցված սահմանազատման գործընթաց։
Խանդանյանի խոսքով՝ երբ սահմանազատման գործընթացն ավարտվի և կողմերի միջև կնքվի համապատասխան պայմանագիր, այն կներկայացվի երկու երկրների խորհրդարանների վավերացմանը։
Հիշեցնենք` Հայաստանի և Ադրբեջանի սահմանազատման հարցերով հանձնաժողովներն ապրիլի 19-ին
պայմանավորվել են սահմանազատումը սկսել Տավուշի մարզից։ Սահմանագծի տվյալ հատվածների նկարագրությունը կազմվելու է` հաշվի առնելով տեղանքում գեոդեզիական չափումների արդյունքում կատարված կոորդինատների հստակեցումը, որը պետք է ավարտվի մինչև 2024 թ. մայիսի 15-ը:
ՀՀ վարչապետի աշխատակազմը հայտարարել է, որ Ադրբեջանն այս ամենի արդյունքում 2.5 գյուղ է ստանում, իսկ Հայաստանի Հանրապետությունը` անվտանգային ռիսկերի նվազեցում։ Կիրանց գյուղի հատվածում ճանապարհի մի քանի հարյուր մետրանոց հատվածի փոփոխություն կարվի, իսկ Ոսկեպարը ճանապարհի խնդիր չի ունենա։ Սահմանազատումից հետո չորս գյուղերի հատվածում զինված ուժերը հետ կքաշվեն և իրենց տեղը կզիջեն սահմանապահ զորքերին:
Տավուշի սահմանամերձ գյուղերի բնակիչներն ապրիլի 19-ից
բողոքի ակցիաներ են անում Հայաստան-Վրաստան միջպետական ճանապարհին: Նրանք դեմ են սահմանազատման այն տարբերակին, որը համաձայնեցրել են Երևանն ու Բաքուն։
