44-օրյա պատերազմի գրեթե հազար մասնակիցներ նոր հմտություններ են ստացել
44-օրյա պատերազմի գրեթե հազար մասնակիցներ նոր հմտություններ են ստացել
Sputnik Արմենիա
«Նոր էջ» նախաձեռնության շրջանակում ձեռք բերված գիտելիքներն ու հմտություններն օգնում են 2020 թվականի արցախյան պատերազմի մասնակիցներին ավելի հեշտ և արագ... 18.01.2023, Sputnik Արմենիա
44-օրյա պատերազմի 18-30 տարեկան գրեթե հազար մասնակից օգտվել են «Նոր էջ» ծրագրից։ Ծրագրի նպատակն է երիտասարդներին հնարավորություն ընձեռել ստանալ անհրաժեշտ գիտելիքներ և հմտություններ իրենց հետաքրքրող գործունեության ոլորտում: Այսպիսով, նրանք կկարողանան ավելի շուտ իրենց ուզած աշխատանքը գտնել:«Հայաստանի մարդկային ռեսուրսների ասոցիացիան» (Armenian HR Association) մեկնարկել է «Նոր էջ» նախաձեռնությունը 2020 թվականի ղարաբաղյան պատերազմից հետո՝ 2021 թվականի հունվարին։Sputnik Արմենիայի թղթակցի հետ զրույցում ասոցիացիայի նախագահ և «Նոր էջ» ծրագրի նախաձեռնող Արփի Կարապետյանն ասաց, որ այսօրվա դրությամբ 2000 մարդ է գրանցվել, նրանցից 850-ն արդեն անցել են դասընթացները մոտ 15 ուղղություններով։«Մենք արձանագրում ենք՝ կոնկրետ ինչ գործունեություն է հետաքրքրում մեր ծրագրի այս կամ այն մասնակցին։ Այսպես, ինչ-որ մեկին գրավում է ՏՏ ոլորտը, ինչ-որ մեկն ուզում է դաջվածքներ անող մասնագետ դառնալ և այլն: Այնուհետև համապատասխան կուրս կամ պարապմունք ենք ընտրում, չէ որ մեր ասոցիացիան ավելի քան 200 ընկերությունների է միավորում», - ասաց Կարապետյանը:30-ամյա Ալեքս Թորոսյանը մասնագիտությամբ կինեզիոլոգ է։ Նա կամավոր է պատերազմի գնացել, բեկորային վնասվածքներ է ստացել։ Վերականգնումից հետո Ալեքսը անցել է վերապատրաստման մի քանի դասընթացներ և այժմ կրկին աշխատում է իր մասնագիտությամբ։22-ամյա Միքայել Վասիլյանն իր հեթին ասաց, որ սովորում է ԵՊՀ-ում, ինչպես նաև զուգահեռ սովորում է «Նոր էջ» նախաձեռնության շրջանակում:«Հիմա դժվար է միայն բուհն ավարտելուց հետո պատրաստի մասնագետ դառնալ։ Այս տեսանկյունից նման ծրագրերին մասնակցելը մեծացնում է աշխատանքի տեղավորման հնարավորությունները և հեշտացնում բանակից հետո բուհում և աշխատաշուկայում ինտեգրումը։ Ես զբաղվում եմ ՏՏ ոլորտով։ Արդեն անցել եմ դետալների մոդելավորման դասընթացներ, իսկ հիմա հաճախում եմ Picsart-ի (ֆոտո և վիդեո խմբագրման ծրագիր-խմբ.) դասընթացներին», - ավելացրեց Միքայելը։Պատերազմի ավելի քան 50 մասնակիցների արդեն հաջողվել է գտնել իրենց ուզած աշխատանքը։ Իսկ «Նոր էջ» նախաձեռնությունը կշարունակվի նաև 2023 թվականին, քանի որ ամսական մոտ 25 մարդ ցանկություն է հայտնում օգտվել դրանից։
«Նոր էջ» նախաձեռնության շրջանակում ձեռք բերված գիտելիքներն ու հմտություններն օգնում են 2020 թվականի արցախյան պատերազմի մասնակիցներին ավելի հեշտ և արագ ինտեգրվել աշխատաշուկայում։
44-օրյա պատերազմի 18-30 տարեկան գրեթե հազար մասնակից օգտվել են «Նոր էջ» ծրագրից։ Ծրագրի նպատակն է երիտասարդներին հնարավորություն ընձեռել ստանալ անհրաժեշտ գիտելիքներ և հմտություններ իրենց հետաքրքրող գործունեության ոլորտում: Այսպիսով, նրանք կկարողանան ավելի շուտ իրենց ուզած աշխատանքը գտնել:
«Հայաստանի մարդկային ռեսուրսների ասոցիացիան» (Armenian HR Association) մեկնարկել է «Նոր էջ» նախաձեռնությունը 2020 թվականի ղարաբաղյան պատերազմից հետո՝ 2021 թվականի հունվարին։
Sputnik Արմենիայի թղթակցի հետ զրույցում ասոցիացիայի նախագահ և «Նոր էջ» ծրագրի նախաձեռնող Արփի Կարապետյանն ասաց, որ այսօրվա դրությամբ 2000 մարդ է գրանցվել, նրանցից 850-ն արդեն անցել են դասընթացները մոտ 15 ուղղություններով։
«Նոր էջ» նախաձեռնության դասընթացների ժամանակ
«Մենք արձանագրում ենք՝ կոնկրետ ինչ գործունեություն է հետաքրքրում մեր ծրագրի այս կամ այն մասնակցին։ Այսպես, ինչ-որ մեկին գրավում է ՏՏ ոլորտը, ինչ-որ մեկն ուզում է դաջվածքներ անող մասնագետ դառնալ և այլն: Այնուհետև համապատասխան կուրս կամ պարապմունք ենք ընտրում, չէ որ մեր ասոցիացիան ավելի քան 200 ընկերությունների է միավորում», - ասաց Կարապետյանը:
30-ամյա Ալեքս Թորոսյանը մասնագիտությամբ կինեզիոլոգ է։ Նա կամավոր է պատերազմի գնացել, բեկորային վնասվածքներ է ստացել։ Վերականգնումից հետո Ալեքսը անցել է վերապատրաստման մի քանի դասընթացներ և այժմ կրկին աշխատում է իր մասնագիտությամբ։
«Ես կողմ եմ, որ սովածին չ թե ձուկ տան, այլ ձուկ բռնել սովորեցնեն։ Այս նախաձեռնությունը արտացոլում է հայտնի ասացվածքը։ Ի վերջո, պատերազմի մասնակիցներին հնարավորություն է ընձեռվում կայանալ ընտրված մասնագիտության մեջ։ Կան նաև բիզնես ծրագրեր, որոնք օգնում են տղաներին սեփական բիզնես ստեղծել»,- ասաց նա։
22-ամյա Միքայել Վասիլյանն իր հեթին ասաց, որ սովորում է ԵՊՀ-ում, ինչպես նաև զուգահեռ սովորում է «Նոր էջ» նախաձեռնության շրջանակում:
«Հիմա դժվար է միայն բուհն ավարտելուց հետո պատրաստի մասնագետ դառնալ։ Այս տեսանկյունից նման ծրագրերին մասնակցելը մեծացնում է աշխատանքի տեղավորման հնարավորությունները և հեշտացնում բանակից հետո բուհում և աշխատաշուկայում ինտեգրումը։ Ես զբաղվում եմ ՏՏ ոլորտով։ Արդեն անցել եմ դետալների մոդելավորման դասընթացներ, իսկ հիմա հաճախում եմ Picsart-ի (ֆոտո և վիդեո խմբագրման ծրագիր-խմբ.) դասընթացներին», - ավելացրեց Միքայելը։
Պատերազմի ավելի քան 50 մասնակիցների արդեն հաջողվել է գտնել իրենց ուզած աշխատանքը։ Իսկ «Նոր էջ» նախաձեռնությունը կշարունակվի նաև 2023 թվականին, քանի որ ամսական մոտ 25 մարդ ցանկություն է հայտնում օգտվել դրանից։
